Agenda Was tun bei Fotos & Berichte Angebote Über uns Downloads Links  

Das Pfarramt unserer Gemeinde:

AndreasWeber_80x100.jpg

Andreas Weber, Pfarrer
Chilengass 10
8193 Eglisau

Tel G: 044 867 02 44

E-Mail senden
Mail: andreas.weber@kircheeglisau.ch

Foto_HjSchibler_80x100..jpg

Ab Mitte September 2019 bis Mitte März 2020:
Pfarramt Stellvertretung: Hansjakob Schibler, Pfarrer
Chilengass 11
8193 Eglisau

Tel G: 044 867 02 44
E-Mail senden
Mail: hjschibler@bluewin.ch

Gedicht zum Abschied

Es ligt mir zimlig uff em Maage
Do z Eglisau, das Adieu-Sage
Sächs Moonet lang, ganz innere volle
Studienurlaub-Verträter- Rolle
Und die erinneret mi schlicht
An die folgend biblisch Gschicht:

Dr Ängel sait zum Missionar
Philippus ganz klipp und klar:
Es kunnt verby, däm muesch du nooche
Vom Hof z Aethiopie ganz e Hooche
Dä isch, dängg nit, das syg extrem!
Go Bäte gsi z Jerusalem
Eunuch, - das töönt für uns nit fyyn -
Schatzmaischter vo dr Königin
Uff em Heimwäg sozusage
Faart är jetz mit Ross und Waage
Dr Philipp stoot scho glyy gelasse
Am Wägrand, zum en nit z verpasse
Und wirglig kunnt denn au scho glyy
Dr schwarz Minischter grad verby
Luut hörsch iin in syner Schääse
Uus dr Bibel öbbis lääse
Dr Philipp lauft jetz näbedraa
Halt di Kutsche bitte aa!
S isch nur e Bitt, nit dass de muesch
Verstoosch au, was de läse duesch?
Dä git grad zue, wie könnti nur
S isch für mi wie läärs Geschnur
Kasch du mir hälfe, mir erkläre
Zum mir eso dr Sinn z gebäre
Em Philipp duet ser viil dra lige
Isch grad zu iim in d Kutsche gstige
Zaig mr d Stell, wart schnäll, ych suech
Hejo, das isch s Jesajabuech
Du lisisch grad vom Gottesknächt
Wo lydet, stirbt, ganz ooni Rächt
Dr Finanzmaa froggt: Genau, dä aint
Wär isch mit däm schlussändlig gmaint?
Dr Philipp nutzt die Glägehait
Het im vom Jesus alles gsait
Waisch d Antwort uff das ganz Wurum
Die findsch im Evangelium
Si faare entlang eme Bach sym Bett
Wo s ab und zue noch Wasser het
Dr Aethiopier duet das gsee
Und het denn grad die guet Idee
Was hinderet mi, froog ych jetz do
An Ort und Stell mi daufe z loo?
Dr Wage stoppt, si stygen abe
Mitenand zum Wassergrabe
Nach dr Daufi, s isch eso
Dr Philipp isch scho nümmi do
Em Aethiopier macht das nüt
Faart haim voll Freud zu syne Lüt


Sächs Moonet z Eglisau jetz gfaare
So quasi uff em Kirchgmaindchare
Mit euch allne mängi Däg
Zämme uff em glyyche Wäg
Ha s Evangelium dörfe künde
Sälber gar nit ooni Sünde
Mit de Könfis au im Chare
Bini gärn ins Lager gfaare
D Wienachtszyt mit em Wienachtsspil
Bedütet het au mir das viil
Dr Gottesdienscht mit bsunderem Schliff
Wo s Nochbers ires Ruederschiff
In dr Riedlinger Kirche vorne stoot
Erinnere söll an d Seesturmnot
Wo dr Paulus unbeirrt
Z Malta zweimool grettet wird
Und no viil mee so schöni Sache
Wo mir hän zämme dörfe mache
In däre Zyt und däne Däg
Ser oft au mit dr Kirchepflääg
Wo alli sich in beschter Luune
Ygsetzt hän, es isch zum Stuune
Jetz stygi ab, lo eure Chare
Ooni mi lo wyter faare
Nämmet mit, goots graad, in Rangg
Uff jede Fall mi grosse Dangg
Bi beydruggt dief ins Bluet
Was do doch alles laufe duet
Dass ir für muetigi Missionare
Immer Platz händ uff em Chare
Das wünsch ych euch, dient d Fründschaft pflääge
Und läbet underem Gott sym Sääge
Und ych styg ab, dass eure Chare
Ooni mi ka wyterfaare
Adieu zämme, Glaube, Muet
Adieu zämme, machets guet!
Hansjakob Schibler, Pfarrer
15. März, 19 Uhr, Abschiedsgottesdienst von Hansjakob Schibler in Eglisau

 
Chile-Agenda
Die neue Ausgabe von unserer Februar-Chile-Agenda ist ab sofort als pdf-Datei online.
Melden Sie sich für unseren Newsletter an.
mehr...
Nächste Anlässe:
Jugendgottesdienst - biblische Liebesgeschichte
Am 21.02.2020 um 18:30 Uhr
ref. Kirchgemeindehaus, Pfr. Hansjakob Schibler, Tel. 079 343 82 89
mehr...
Gottesdienst Gross und Chlii mit Abendmahl mit den Kindern des Club4
Am 23.02.2020 um 09:30 Uhr
Ref. Kirche Eglisau, Pfr. Hansjakob Schibler, Tel. 079 343 82
mehr...
Mittagstisch für Jung und Alt
Am 27.02.2020 um 12:00 Uhr
ref. Kirchgemeindehaus, Monika Strobel, Tel. 044 867 23 20 oder 076 298 44 04
mehr...